Për ne

Progresi i një kombi është i lidhur drejt për së drejti me nivelin e ndërgjegjes kombëtare të popullit të tij dhe të vlerave dhe historisë mbi të cilat mbështet kjo ndërgjegje.

Vlerat shqiptare të besës, mikpritjes, tradita e tolerancës fetare dhe etnike, fakti që nuk kemi sulmuar kurrë një popull tjetër, por historikisht jemi mbrojtur nga pushtuesit, janë fakte të mirënjohura botërisht.

Ndërgjegja jonë kombëtare nga ana tjetër, ka vuajtur shumë nga pushtimet e tejzgjatura që kanë krijuar trauma sociale të tmerrshme, dhe si e tillë kërkon nga ne një përkushtim të veçantë për ta ngritur përsëri në nivelet e kohës së ndritur të Gjergjit të madh, ose të rilindjes kombëtare të fillim shekullit XX.

Lidhja Qytetare shiptaro-zvicerane ka këtë si qëllim kryesor, së bashku me promovimin e kulturës dhe traditave të mirfillta e të pastra shqiptare si dhe edukimin dhe informimin e komunitetit mik dhe mikpritës zviceran mbi identitetin shqiptar.